ಶ್ರೀ ಶಂಕರಾಚಾರ್ಯ ಅಷ್ಟೋತ್ತರ ಶತ ನಾಮಾವಳಿ

ಧ್ಯಾನಮ್ । ಕೈಲಾಸಾಚಲ ಮಧ್ಯಸ್ಥಂ ಕಾಮಿತಾಭೀಷ್ಟದಾಯಕಮ್ । ಬ್ರಹ್ಮಾದಿಪ್ರಾರ್ಥನಾಪ್ರಾಪ್ತದಿವ್ಯಮಾನುಷವಿಗ್ರಹಮ್ ॥ ಭಕ್ತಾನುಗ್ರಹಣೈಕಾಂತಶಾಂತಸ್ವಾಂತಸಮುಜ್ಜ್ವಲಮ್ । ಸಂಯಜ್ಞಂ ಸಂಯಮೀಂದ್ರಾಣಾಂ ಸಾರ್ವಭೌಮಂ ಜಗದ್ಗುರುಮ್ ॥ ಕಿಂಕರೀಭೂತಭಕ್ತೈನಃ ಪಂಕಜಾತವಿಶೋಷಣಮ್ । ಧ್ಯಾಯಾಮಿ ಶಂಕರಾಚಾರ್ಯಂ ಸರ್ವಲೋಕೈಕಶಂಕರಮ್ ॥

ಓಂ ಶ್ರೀಶಂಕರಾಚಾರ್ಯವರ್ಯಾಯ ನಮಃ । ಓಂ ಬ್ರಹ್ಮಾನಂದಪ್ರದಾಯಕಾಯ ನಮಃ । ಓಂ ಅಜ್ಞಾನತಿಮಿರಾದಿತ್ಯಾಯ ನಮಃ । ಓಂ ಸುಜ್ಞಾನಾಂಬುಧಿಚಂದ್ರಮಸೇ ನಮಃ । ಓಂ ವರ್ಣಾಶ್ರಮಪ್ರತಿಷ್ಠಾತ್ರೇ ನಮಃ । ಓಂ ಶ್ರೀಮತೇ ನಮಃ । ಓಂ ಮುಕ್ತಿಪ್ರದಾಯಕಾಯ ನಮಃ । ಓಂ ಶಿಷ್ಯೋಪದೇಶನಿರತಾಯ ನಮಃ । ಓಂ ಭಕ್ತಾಭೀಷ್ಟಪ್ರದಾಯಕಾಯ ನಮಃ । ಓಂ ಸೂಕ್ಷ್ಮತತ್ತ್ವರಹಸ್ಯಜ್ಞಾಯ ನಮಃ ॥ 10 ॥

ಓಂ ಕಾರ್ಯಾಕಾರ್ಯಪ್ರಬೋಧಕಾಯ ನಮಃ । ಓಂ ಜ್ಞಾನಮುದ್ರಾಂಚಿತಕರಾಯ ನಮಃ । ಓಂ ಶಿಷ್ಯಹೃತ್ತಾಪಹಾರಕಾಯ ನಮಃ । ಓಂ ಪರಿವ್ರಾಜಾಶ್ರಮೋದ್ಧರ್ತ್ರೇ ನಮಃ । ಓಂ ಸರ್ವತಂತ್ರಸ್ವತಂತ್ರಧಿಯೇ ನಮಃ । ಓಂ ಅದ್ವೈತಸ್ಥಾಪನಾಚಾರ್ಯಾಯ ನಮಃ । ಓಂ ಸಾಕ್ಷಾಚ್ಛಂಕರರೂಪಧೃತೇ ನಮಃ । ಓಂ ಷಣ್ಮತಸ್ಥಾಪನಾಚಾರ್ಯಾಯ ನಮಃ । ಓಂ ತ್ರಯೀಮಾರ್ಗಪ್ರಕಾಶಕಾಯ ನಮಃ । ಓಂ ವೇದವೇದಾಂತತತ್ತ್ವಜ್ಞಾಯ ನಮಃ ॥ 20 ॥

ಓಂ ದುರ್ವಾದಿಮತಖಂಡನಾಯ ನಮಃ । ಓಂ ವೈರಾಗ್ಯನಿರತಾಯ ನಮಃ । ಓಂ ಶಾಂತಾಯ ನಮಃ । ಓಂ ಸಂಸಾರಾರ್ಣವತಾರಕಾಯ ನಮಃ । ಓಂ ಪ್ರಸನ್ನವದನಾಂಭೋಜಾಯ ನಮಃ । ಓಂ ಪರಮಾರ್ಥಪ್ರಕಾಶಕಾಯ ನಮಃ । ಓಂ ಪುರಾಣಸ್ಮೃತಿಸಾರಜ್ಞಾಯ ನಮಃ । ಓಂ ನಿತ್ಯತೃಪ್ತಾಯ ನಮಃ । ಓಂ ಮಹತೇ ನಮಃ । ಓಂ ಶುಚಯೇ ನಮಃ ॥ 30 ॥

ಓಂ ನಿತ್ಯಾನಂದಾಯ ನಮಃ । ಓಂ ನಿರಾತಂಕಾಯ ನಮಃ । ಓಂ ನಿಸ್ಸಂಗಾಯ ನಮಃ । ಓಂ ನಿರ್ಮಲಾತ್ಮಕಾಯ ನಮಃ । ಓಂ ನಿರ್ಮಮಾಯ ನಮಃ । ಓಂ ನಿರಹಂಕಾರಾಯ ನಮಃ । ಓಂ ವಿಶ್ವವಂದ್ಯಪದಾಂಬುಜಾಯ ನಮಃ । ಓಂ ಸತ್ತ್ವಪ್ರಧಾನಾಯ ನಮಃ । ಓಂ ಸದ್ಭಾವಾಯ ನಮಃ । ಓಂ ಸಂಖ್ಯಾತೀತಗುಣೋಜ್ವಲಾಯ ನಮಃ ॥ 40 ॥

ಓಂ ಅನಘಾಯ ನಮಃ । ಓಂ ಸಾರಹೃದಯಾಯ ನಮಃ । ಓಂ ಸುಧಿಯೇ ನಮಃ । ಓಂ ಸಾರಸ್ವತಪ್ರದಾಯ ನಮಃ । ಓಂ ಸತ್ಯಾತ್ಮನೇ ನಮಃ । ಓಂ ಪುಣ್ಯಶೀಲಾಯ ನಮಃ । ಓಂ ಸಾಂಖ್ಯಯೋಗವಿಚಕ್ಷಣಾಯ ನಮಃ । ಓಂ ತಪೋರಾಶಯೇ ನಮಃ । ಓಂ ಮಹಾತೇಜಸೇ ನಮಃ । ಓಂ ಗುಣತ್ರಯವಿಭಾಗವಿದೇ ನಮಃ ॥ 50 ॥

ಓಂ ಕಲಿಘ್ನಾಯ ನಮಃ । ಓಂ ಕಾಲಕರ್ಮಜ್ಞಾಯ ನಮಃ । ಓಂ ತಮೋಗುಣನಿವಾರಕಾಯ ನಮಃ । ಓಂ ಭಗವತೇ ನಮಃ । ಓಂ ಭಾರತೀಜೇತ್ರೇ ನಮಃ । ಓಂ ಶಾರದಾಹ್ವಾನಪಂಡಿತಾಯ ನಮಃ । ಓಂ ಧರ್ಮಾಧರ್ಮವಿಭಾಗಜ್ಞಾಯ ನಮಃ । ಓಂ ಲಕ್ಷ್ಯಭೇದಪ್ರದರ್ಶಕಾಯ ನಮಃ । ಓಂ ನಾದಬಿಂದುಕಲಾಭಿಜ್ಞಾಯ ನಮಃ । ಓಂ ಯೋಗಿಹೃತ್ಪದ್ಮಭಾಸ್ಕರಾಯ ನಮಃ ॥ 60 ॥

ಓಂ ಅತೀಂದ್ರಿಯಜ್ಞಾನನಿಧಯೇ ನಮಃ । ಓಂ ನಿತ್ಯಾನಿತ್ಯವಿವೇಕವತೇ ನಮಃ । ಓಂ ಚಿದಾನಂದಾಯ ನಮಃ । ಓಂ ಚಿನ್ಮಯಾತ್ಮನೇ ನಮಃ । ಓಂ ಪರಕಾಯಪ್ರವೇಶಕೃತೇ ನಮಃ । ಓಂ ಅಮಾನುಷಚರಿತ್ರಾಢ್ಯಾಯ ನಮಃ । ಓಂ ಕ್ಷೇಮದಾಯಿನೇ ನಮಃ । ಓಂ ಕ್ಷಮಾಕರಾಯ ನಮಃ । ಓಂ ಭವ್ಯಾಯ ನಮಃ । ಓಂ ಭದ್ರಪ್ರದಾಯ ನಮಃ ॥ 70 ॥

ಓಂ ಭೂರಿಮಹಿಮ್ನೇ ನಮಃ । ಓಂ ವಿಶ್ವರಂಜಕಾಯ ನಮಃ । ಓಂ ಸ್ವಪ್ರಕಾಶಾಯ ನಮಃ । ಓಂ ಸದಾಧಾರಾಯ ನಮಃ । ಓಂ ವಿಶ್ವಬಂಧವೇ ನಮಃ । ಓಂ ಶುಭೋದಯಾಯ ನಮಃ । ಓಂ ವಿಶಾಲಕೀರ್ತಯೇ ನಮಃ । ಓಂ ವಾಗೀಶಾಯ ನಮಃ । ಓಂ ಸರ್ವಲೋಕಹಿತೋತ್ಸುಕಾಯ ನಮಃ । ಓಂ ಕೈಲಾಸಯಾತ್ರಾಸಂಪ್ರಾಪ್ತಚಂದ್ರಮೌಳಿಪ್ರಪೂಜಕಾಯ ನಮಃ ॥ 80 ॥

ಓಂ ಕಾಂಚ್ಯಾಂ ಶ್ರೀಚಕ್ರರಾಜಾಖ್ಯಯಂತ್ರಸ್ಥಾಪನದೀಕ್ಷಿತಾಯ ನಮಃ । ಓಂ ಶ್ರೀಚಕ್ರಾತ್ಮಕತಾಟಂಕತೋಷಿತಾಂಬಾಮನೋರಥಾಯ ನಮಃ । ಓಂ ಶ್ರೀಬ್ರಹ್ಮಸೂತ್ರೋಪನಿಷದ್ಭಾಷ್ಯಾದಿಗ್ರಂಥಕಲ್ಪಕಾಯ ನಮಃ । ಓಂ ಚತುರ್ದಿಕ್ಚತುರಾಮ್ನಾಯ ಪ್ರತಿಷ್ಠಾತ್ರೇ ನಮಃ । ಓಂ ಮಹಾಮತಯೇ ನಮಃ । ಓಂ ದ್ವಿಸಪ್ತತಿಮತೋಚ್ಚೇತ್ರೇ ನಮಃ । ಓಂ ಸರ್ವದಿಗ್ವಿಜಯಪ್ರಭವೇ ನಮಃ । ಓಂ ಕಾಷಾಯವಸನೋಪೇತಾಯ ನಮಃ । ಓಂ ಭಸ್ಮೋದ್ಧೂಳಿತವಿಗ್ರಹಾಯ ನಮಃ । ಓಂ ಜ್ಞಾನಾತ್ಮಕೈಕದಂಡಾಢ್ಯಾಯ ನಮಃ ॥ 90 ॥

ಓಂ ಕಮಂಡಲುಲಸತ್ಕರಾಯ ನಮಃ । ಓಂ ಗುರುಭೂಮಂಡಲಾಚಾರ್ಯಾಯ ನಮಃ । ಓಂ ಭಗವತ್ಪಾದಸಂಜ್ಞಕಾಯ ನಮಃ । ಓಂ ವ್ಯಾಸಸಂದರ್ಶನಪ್ರೀತಾಯ ನಮಃ । ಓಂ ಋಷ್ಯಶೃಂಗಪುರೇಶ್ವರಾಯ ನಮಃ । ಓಂ ಸೌಂದರ್ಯಲಹರೀಮುಖ್ಯಬಹುಸ್ತೋತ್ರವಿಧಾಯಕಾಯ ನಮಃ । ಓಂ ಚತುಷ್ಷಷ್ಟಿಕಲಾಭಿಜ್ಞಾಯ ನಮಃ । ಓಂ ಬ್ರಹ್ಮರಾಕ್ಷಸಮೋಕ್ಷದಾಯ ನಮಃ । ಓಂ ಶ್ರೀಮನ್ಮಂಡನಮಿಶ್ರಾಖ್ಯಸ್ವಯಂಭೂಜಯಸನ್ನುತಾಯ ನಮಃ । ಓಂ ತೋಟಕಾಚಾರ್ಯಸಂಪೂಜ್ಯಾಯ ನಮಃ ॥ 100 ॥

ಓಂ ಪದ್ಮಪಾದಾರ್ಚಿತಾಂಘ್ರಿಕಾಯ ನಮಃ । ಓಂ ಹಸ್ತಾಮಲಕಯೋಗೀಂದ್ರ ಬ್ರಹ್ಮಜ್ಞಾನಪ್ರದಾಯಕಾಯ ನಮಃ । ಓಂ ಸುರೇಶ್ವರಾಖ್ಯಸಚ್ಚಿಷ್ಯಸನ್ನ್ಯಾಸಾಶ್ರಮದಾಯಕಾಯ ನಮಃ । ಓಂ ನೃಸಿಂಹಭಕ್ತಾಯ ನಮಃ । ಓಂ ಸದ್ರತ್ನಗರ್ಭಹೇರಂಬಪೂಜಕಾಯ ನಮಃ । ಓಂ ವ್ಯಾಖ್ಯಾಸಿಂಹಾಸನಾಧೀಶಾಯ ನಮಃ । ಓಂ ಜಗತ್ಪೂಜ್ಯಾಯ ನಮಃ । ಓಂ ಜಗದ್ಗುರವೇ ನಮಃ ॥ 108 ॥