ಮೃದಪಿ ಚ ಚಂದನಂ

ಮೃದಪಿ ಚ ಚಂದನಮಸ್ಮಿನ್ ದೇಶೇ ಗ್ರಾಮೋ ಗ್ರಾಮಃ ಸಿದ್ಧವನಮ್ । ಯತ್ರ ಚ ಬಾಲಾ ದೇವೀಸ್ವರೂಪಾ ಬಾಲಾಃ ಸರ್ವೇ ಶ್ರೀರಾಮಾಃ ॥

ಹರಿಮಂದಿರಮಿದಮಖಿಲಶರೀರಂ ಧನಶಕ್ತೀ ಜನಸೇವಾಯೈ ಯತ್ರ ಚ ಕ್ರೀಡಾಯೈ ವನರಾಜಃ ಧೇನುರ್ಮಾತಾ ಪರಮಶಿವಾ ನಿತ್ಯಂ ಪ್ರಾತಃ ಶಿವಗುಣಗಾನಂ ದೀಪನುತಿಃ ಖಲು ಶತ್ರುಪರಾ ॥ 1 ॥

ಭಾಗ್ಯವಿಧಾಯಿ ನಿಜಾರ್ಜಿತಕರ್ಮ ಯತ್ರ ಶ್ರಮಃ ಶ್ರಿಯಮರ್ಜಯತಿ ತ್ಯಾಗಧನಾನಾಂ ತಪೋನಿಧೀನಾಂ ಗಾಥಾಂ ಗಾಯತಿ ಕವಿವಾಣೀ ಗಂಗಾಜಲಮಿವ ನಿತ್ಯನಿರ್ಮಲಂ ಜ್ಞಾನಂ ಶಂಸತಿ ಯತಿವಾಣೀ ॥ 2 ॥

ಯತ್ರ ಹಿ ನೈವ ಸ್ವದೇಹವಿಮೋಹಃ ಯುದ್ಧರತಾನಾಂ ವೀರಾಣಾಂ ಯತ್ರ ಹಿ ಕೃಷಕಃ ಕಾರ್ಯರತಃ ಸನ್ ಪಶ್ಯತಿ ಜೀವನಸಾಫಲ್ಯಂ ಜೀವನಲಕ್ಷ್ಯಂ ನ ಹಿ ಧನಪದವೀ ಯತ್ರ ಚ ಪರಶಿವಪದಸೇವಾ ॥ 3 ॥

ರಚನ: ಶ್ರೀ ಜನಾರ್ದನ ಹೇಗ್ಡೇ