ಪಠತ ಸಂಸ್ಕೃತಂ, ವದತ ಸಂಸ್ಕೃತಂ

ಪಠತ ಸಂಸ್ಕೃತಂ, ವದತ ಸಂಸ್ಕೃತಂ ಲಸತು ಸಂಸ್ಕೃತಂ ಚಿರಂ ಗೃಹೇ ಗೃಹೇ ಚ ಪುನರಪಿ ॥ ಪಠತ ॥

ಜ್ಞಾನವೈಭವಂ ವೇದವಾಙ್ಮಯಂ ಲಸತಿ ಯತ್ರ ಭವಭಯಾಪಹಾರಿ ಮುನಿಭಿರಾರ್ಜಿತಮ್ । ಕೀರ್ತಿರಾರ್ಜಿತಾ ಯಸ್ಯ ಪ್ರಣಯನಾತ್ ವ್ಯಾಸ-ಭಾಸ-ಕಾಲಿದಾಸ-ಬಾಣ-ಮುಖ್ಯಕವಿಭಿಃ ॥ 1॥

ಸ್ಥಾನಮೂರ್ಜಿತಂ ಯಸ್ಯ ಮನ್ವತೇ ವಾಗ್ವಿಚಿಂತಕಾ ಹಿ ವಾಕ್ಷು ಯಸ್ಯ ವೀಕ್ಷ್ಯ ಮಧುರತಾಮ್ । ಯದ್ವಿನಾ ಜನಾ ನೈವ ಜಾನತೇ ಭಾರತೀಯಸಂಸ್ಕೃತಿಂ ಸನಾತನಾಭಿಧಾಂ ವರಾಮ್ ॥ 2॥

ಜಯತು ಸಂಸ್ಕೃತಂ, ಸಂಸ್ಕೃತಿಸ್ತಥಾ ಸಂಸ್ಕೃತಸ್ಯ ಸಂಸ್ಕೃತೇಶ್ಚ ಪ್ರಣಯನಾಚ್ಚ ಮನುಕುಲಮ್ । ಜಯತು ಸಂಸ್ಕೃತಂ, ಜಯತು ಮನುಕುಲಂ ಜಯತು ಜಯತು ಸಂಸ್ಕೃತಂ, ಜಯತು ಜಯತು ಮನುಕುಲಮ್ ॥ 3॥

ರಚನ: ಮಂಜುನಾಥಶರ್ಮಾ